愛上機械錶必須由心臟說起

手錶要用不同嘅角度去欣賞,才可引起大家愛上手錶嘅興趣。由從未接觸或再次愛上手錶,動力係要不斷地發掘。這時候不得不引用黎明一句金句:先由核心嘅「內圍」再講到核心嘅外圍。
傳統機械手錶嘅心臟,就等同汽車嘅引擎,我哋叫做機芯(watch movement /calibre)。精粹在少於一平方時內,集合幾百個不同嘅精密齒輪、螺絲、微細部件組裝而成,利用機械原理奇妙地嚟推動錶面上嘅各種時、分、秒指針來顯示時間。
機芯有幾百年歷史,最原始嘅就要由全機械結構機芯(Mechanical Movement)講起啦!市面上大分類有「手動上鏈」(Hand-winding) 以及 「自動上鏈」 (Automatic self-winding)嘅手錶,實用性來講,我會選擇後者,只因更方便都市人,日常佩戴嘅時候會自動儲起動力,視乎不同型號及價錢,最少都有兩日去到有十幾日之動力選擇,只要你每日帶住出街,基本上手錶都會自動運行,比較起手動上鏈嘅手錶,必須每次戴之前用手動幾十下調效時間方便好多,但係手動錶款嘅好處,係結構較薄,可以設計出好薄嘅錶款。
邊個國家做嘅機芯比較好?情況就等於買車一樣,有歐洲車、美國車、日本,同埋大陸製造嘅車種。歐洲錶來講,梗係瑞士機芯最好,其次係德國、法國同英國嘅,呢啲國家都有少量自家製機芯。至於日本機芯,其實都唔錯㗎,CP值極高,精工最高檔次的Grand Seiko,已經做到超高水平,可媲美瑞士一線大品牌,可惜我國的大陸生產機芯仍未到位,「中國心」水平仍然在中低水平,以低價為主,品質有待改善。冷門嘅俄羅斯RAKETA做嘅, 其品質仍停留在蘇聯時期,不建議入手。
稱為鐘錶龍頭大哥嘅瑞士製造機芯(量產型),選擇其實有好幾個出名的品牌,排名不分先後:ETA、Sellita、Soprod、 Ronda ,其情況如同Audi、 BENZ、 BMW、 Volkswagen等品牌車重一樣,各有功能、特色同Fans。 我會選擇品種多及品質穩定嘅ETA(Swatch group 集團旗下出品),大多出名高級Swiss made品牌都用上,原因係維修同搵配件比較方便,就等同買車前會考慮邊款維修方便同保養成本一樣。
刁鑽啲有Dubois-Depraz ,主要由ETA 基礎上再附加組件改動提升功能,有啲似AMG、 Maybach,、ZAGATO改裝車咁。可以像Bentley或Rolls Royce等貴車提供Bespoke嘅高級私人訂制有Concepto, Timeless 服務,但係價錢勁貴,產量有限同貨期好長。
其實還有當今十大名牌或四大名錶,都用緊嗰啲自家機芯(In-House Made Movements),但坊間已經有太多相關資訊,所以本人唔會「講呢啲」嘅!至於日系機械機芯會比較少啲選擇,但全部都係好耐用產品,畢竟日本人製造嘅嘢品質都有保證,包括MIYOTA (CITIZEN星辰集團)、 SEIKO (SII 精工集團) 如同TOYOTA 、HONDA 咁,水平一樣好穩定。
以下是瑞士ETA 2824-2 和日本MIYOTA 8 & 9 series 流行機芯的一些基本規格:總括嚟講,如果買咗用瑞士或日本機芯手錶,不論來自大或細廠製造,都可以放心,唔需要太大擔心其品質。如果你手上嘅手錶用出自這兩個國家以外嘅話,咁品質參差或會比較大,可能需要維修機會都大啲。無論如何大家必須了解機械機芯都係唔會好準時,就算最貴嘅天價產品(Chronometer certified watches 或 Geneva Seal) 嘅準確度,都會有每天正負秒數 (Accuracy Rating +/- ),加上好多其他因素影響佢哋出廠後嘅品質,好多時消費者唔知道生活環境變化、不正當佩戴,存放同缺乏適當嘅保養等因素,都會影響機芯嘅準成度同運作,所以定期返維修中心保養手錶是常識啦!