EP.46 申請、批牌都有彈弓手?


2021年6月9日快活谷B跑道賽日
6月9日週三跑快活谷,草地用B跑道,照例跑九場,無盃賽。
上賽日三T全城熱烘,多寶6000餘萬,大家除了趕著打針抽獎,相信不少人也會一試三T投注,最終投注額高達7839萬港元。是否真的很多呢?想當年1997,煞科三T投注額是6億7000餘萬,所以話多,又其實是蚊脾同牛脾之比併而已。然而,廿年有多之科技,當時也不用延遲派彩,反而上賽日要延遲,都算奇怪。馬會話是因為要分配電腦資源,但其實就肯定是劈大口講大話,因過完兩關都知還有幾多錢有機會,點會去到第三關會不知如何計那幾注中和彩金多少。特工覺得最大機會是兩關後,可能有人中途上訴,例如馬會職員打錯飛或傳送注項中出現問題,尤其是那些VIP客戶,所以要傾掂數至可以公佈。另一機會,可能是馬會發覺中彩的是集中一小撮有問題戶口或古怪的投注動作(特別感覺是外圍佬射入馬會之類),所以要查清底細才派彩。
本週另一馬迷熱話,當然是郭能有沒有收到申請表事件。老實講,其實未作出宣佈下季牌照時,坊間和郭能都打定輸數,鬧完董事後,馬會點會發牌給他(郭能老婆仔女早已經回英國隔離了)。所以其實馬會無發申請表給郭能,特工覺得不出奇、亦無問題,因馬會一向無保證今季騎師一定有下季續牌申請表,更不保證一定批。既然無想過發牌給郭能,點解要他花時間填申請表呢?然而,坊間回響大,認為馬會不公都出面,馬會又即時發個申請表,這個是一個轉機。因如果填完申請又不發牌,馬會一定被人鬧到臭,所以如果郭能肯入紙,特工又覺得不是無機會騎埋下半季呢!
今次投注方式,下注如下:
第2場 6號 話贏就贏
第3場 2號 英明勇將
第8場 9號 和氣生財
W3x7 共300元
P3x4 共700元
累積投注 17,000元(包括今次)
累積回報14,706.00元
(自2021年4月14日開始計算)
Agent 14 (Photo Source: HKJC)