EP.16 練馬師升正之謎

2021年2月24日快活谷C+3賽日
2月24日跑快活谷,採用C+3跑道,無盃賽,但少有地有兩場一班賽,分別是1200和1650米,算是給頂班快活谷好手一個出路。畢竟有些一班馬,其實是靠快活谷路程起家,轉到沙田競爭力大減,如果長期沒有這些高班賽事,等於叫馬主早點將馬匹退役好過。
剛剛賽日,蔡神仙頭馬數目正式追過方仔,相信今年冠軍練馬師又有一場惡鬥。其實除了頭二名,隨後的幾位也有30場以上,只要好好部署,未必無機會。緊隨者當中,有威哥、羅記和成哥未拿過冠軍,相信幾位都會加把勁,絕對是大家餘下日子的追捧對象。特工就希望威哥可以一嘗冠軍滋味,到時可順理成章可以玩多五年(因估計輝哥、告仔,話晒拿個冠軍,應該可以順利延續多五年吧)。
縱使可能有多幾位現役練馬師要多延續五年,但未來幾年練馬師大執位之趨勢應不變。其實圈內已經不斷有人估(或賭,一笑),究竟最新公佈是那一位(或幾位)。特工相信未必有大驚喜,但馬會裡面不斷換新血,絕對是好事,畢竟一個機構的活化、向上流是要做到循環不息,方能健康成長。
有馬友曾經問過特工,究竟有咩條件先有得所謂升正。例如點解方仔可以直接接手父親馬房,但摩仔、伍仔又不可以直接開倉呢?韋達和告東尼明顯大部份時間是騎師,馬房管理經驗肯定不多,點解又可以話轉就轉呢?老實說,特工也不清楚,只知道前題就一定要有個人之處(真的在圈內有點名聲和功夫),同時跟現在老細(即現任所屬練馬師)以及馬會高層關係好(現在老闆肯推薦),亦要有馬主支持(未來的老闆),最重要就是馬會知道給你一個牌,對日後馬會發展(不論投注額或馬匹表現等),都有一定潛力和供獻,所以能拿到這牌的多不簡單!
今次投注方式,下注如下:
第2場 8號 活力勇士
第5場 2號 明月生輝
第9場 4號 又係熊

W3x7 共300元
P3x4 共700元

Agent 14 (Photo Source: HKJC)